Sylwch fod y fersiwn Saesneg o’r telerau hyn ar gael isod. 

1. Gofynion Hysbysu 

1.1 Cyn gynted ag y bydd lleoliad wedi’i ddewis, rhaid i Chi roi gwybod i dîm Materion Cyfreithiol Plant mewn Angen am y manylion, ynghyd â manylion cyswllt yr unigolyn yn y lleoliad sy’n gyfrifol am ddelio â chontract y lleoliad.  

1.2 Ar ddiwedd yr Archeb hon, rhaid i Chi roi holl fanylion a ffotograffau’r lleoliad i’ch archebwr BBC Plant mewn Angen neu’r cyswllt a enwir. 

2. Eiddo Deallusol 

2.1 O dan delerau’r Archeb hon, byddwch CHI yn neilltuo’r holl hawliau eiddo deallusol yng nghynnyrch eich gwasanaethau i BBC Plant mewn Angen. 

3. Diogelu Data 

3.1 Mae’r holl wybodaeth, gan gynnwys eich enw, cyfeiriad, rhif ffôn, cyfeiriad e-bost, ffotograffau neu unrhyw leoliad a archwiliwyd ymlaen llaw, yr ymchwiliwyd iddynt neu a ddefnyddiwyd yn ystod yr archeb hon, ond heb fod yn gyfyngedig i’r wybodaeth honno, yn gyfrinachol ac yn cael ei diogelu gan Gyfreithiau Diogelu Data.  

3.2 Rhaid i Chi ddefnyddio data yn unol â’r Archeb hon fel y nodir yn y Telerau ac Amodau cyffredinol.