Ewch i’n tudalen Gwneud Cais am Gyllid a’n tudalen Beth rydym ni’n ei ariannu i weld a ydych chi’n gymwys ac i ddysgu sut i wneud cais.

Yna, rhaid i chi siarad â’ch tîm grantiau lleol. Os ydych chi wedi cael cyllid gan BBC Plant mewn Angen o’r blaen, neu os ydych chi’n ddeiliad grant ar hyn o bryd ac yn bwriadu gwneud cais eto, bydd angen i chi fynd i sesiwn cyn cyflwyno’r cais newydd.

Os oes gennych chi gwestiwn i ni nad yw’n cael ei ateb ar y dudalen hon, gallwch fynd i’n tudalen Cwestiynau Cyffredin neu gallwch gysylltu â ni. 

Rhan gyntaf y broses o wneud cais yw llenwi ffurflen ‘Datganiad o Ddiddordeb’. Ffurflen fer yw hon, i chi gael dweud mwy wrthym am eich sefydliad a’r gwaith rydych am i ni ei ariannu. Os ydym am glywed mwy am y gwaith rydych yn ei wneud, byddwn yn anfon ffurflen gais lawn atoch, er mwyn i chi ei llenwi. Bwriad y Ffurflen Datganiad o Ddiddordeb yw bod yn ffordd gyflym a hawdd i chi ddweud wrthym beth yw syniad sylfaenol eich prosiect.

Os bydd eich Datganiad o Ddiddordeb yn llwyddiannus, gofynnir i chi gyflwyno ffurflen gais lawn. Yn ystod y cam ymgeisio, gofynnir i chi roi rhagor o fanylion i ni am y gwaith rydych chi’n ei wneud. Byddwn hefyd yn gofyn am ragor o fanylion am gyllid, trefniadau llywodraethu a gweithdrefnau diogelu eich sefydliad.

Ceisiadau am £15,000 neu lai’r flwyddyn   

Ein nod yw ymateb yn gyflym i geisiadau am £15,000 neu lai. Ar ôl i ni dderbyn eich ffurflen gais lawn, efallai y bydd angen rhagor o wybodaeth arnom am eich sefydliad neu’r gwaith rydych yn ei wneud. Efallai y byddwn yn cysylltu â chi i holi rhai cwestiynau ychwanegol dros e-bost, galwad ffôn sydyn neu alwad asesu.

Ceisiadau am £15,000 neu fwy’r flwyddyn 

Ar ôl i ni gael eich ffurflen gais lawn, byddwn ni’n eich ffonio i drafod prosesau diogelu eich sefydliad. Efallai y byddwn ni’n anfon e-bost atoch neu’n eich ffonio i ofyn i chi egluro rhywfaint o wybodaeth, mae hyn yn dibynnu ar ba mor gymhleth yw eich cais a’ch gwaith. Pan fo ceisiadau cymhleth yn ein cyrraedd, byddwn yn cael sgwrs hirach â chi am y gwaith rydych am i ni ei ariannu.

Byddwn yn trefnu galwad groesawu gyda’ch Swyddog Grant lleol i chi gael cyfle i drafod y grant. Ar ôl i ni gael yr holl wybodaeth angenrheidiol, bydd eich grant yn cael ei dalu mewn rhanddaliadau yn unol â’r trefniadau a nodir yn y llythyr cynnig grant.

Os nad ydych chi’n siŵr pwy yw eich Swyddog Grant, cysylltwch â ni.

Rydym yn gofyn i bawb sy’n cael grant gennym adrodd yn ôl i ni bob blwyddyn, gan roi gwybod i ni sut mae pethau wedi mynd dros y flwyddyn ddiwethaf. Mae’r adroddiadau hyn yn ein helpu ni i ddeall pa mor werthfawr oedd y grant ac yn gyfle i ni ddysgu rhagor am y gwaith arbennig rydych chi’n ei wneud. Mae’n gyfle hefyd i chi dynnu sylw at yr effaith gadarnhaol rydych chi wedi’i chael a rhannu astudiaethau achos sy’n profi gwerth eich gwaith.