Bydd ein rhaglenni cyllido newydd yn dechrau lansio yn Hydref 2022.

Yn BBC Plant mewn Angen, mae plant a phobl ifanc wrth galon yr hyn rydyn ni’n ei wneud. Ar ôl digwyddiadau’r blynyddoedd diwethaf, rydyn ni wedi datblygu uchelgais elusennol a strategaeth dyrannu grantiau newydd. Mae’r strategaeth hon yn canolbwyntio ar ein hegwyddorion canlynol:

• Rhannu pŵer gyda Phlant a Phobl Ifanc
• Gweithredu mewn dull hyblyg
• Defnyddio ein llais i feithrin ymwybyddiaeth ac empathi ynghylch materion
• Meithrin partneriaethau i ddod â chymunedau a buddsoddwyr at ei gilydd

Fel rhan o hyn, rydyn ni wedi gwneud rhai newidiadau sylweddol i’n model dyfarnu grantiau:

• Byddwn yn parhau i gynnig cyllid sy’n seiliedig ar brosiectau, yn yr un modd â’r gorffennol.
• Byddwn yn cynnig cyllid ar gyfer costau craidd (sefydliadol) fel ffrwd grantiau ar wahân.
• Yn ystod Gwanwyn 2023, byddwn yn lansio ffrwd gyllido ar gyfer mudiadau llai sy’n dod i’r amlwg. Mae’r ffrwd hon wedi’i hanelu at fudiadau a allai fod angen mwy o gefnogaeth i gael gafael ar ein cyllid.

Dim ond ar gyfer un o’r ffrydiau hyn y bydd sefydliadau’n gallu gwneud cais bob blwyddyn. Dylai eich sefydliad ddewis pa ffrwd sydd fwyaf addas ar gyfer eich gwaith a byddwn yn darparu gwybodaeth fanylach amdanynt dros y misoedd nesaf. Byddwn hefyd yn rhoi rhagor o fanylion am ein blaenoriaethau cyllido ar lefel leol a rhanbarthol.

Ein Strategaeth Dyrannu Grantiau 2022-2025

I ddarllen mwy am ein Strategaeth Grantiau newydd ar gyfer 2022-2025, cliciwch ar un o’r dolenni isod. Yno, cewch weld ein strategaeth grantiau newydd, yn ogystal â fersiwn a luniwyd gan blant a phobl ifanc. Mae’r rhain yn tynnu sylw at ein hegwyddorion, ein dylanwad a’n model cyllido.

Ein Rhaglenni Ariannu ar gyfer y Dyfodol:

Cliciwch isod i ddarganfod mwy